CS #14: Why Are We Still Friends by Nikki Del Rosario

Camp Speed Book 14: Why Are We Still Friends

by: Nikki Del Rosario

“Selfish na kung selfish pero ganoon yata talaga ang mga taong nagmamahal. Gagawin ang lahat mawala lang ang mga kahati nila sa atensiyon ng minamahal.”

Kathryn and Dennis had been best of friends like forever. Bata pa lang sila ay kasangga na nila ang isa’t isa. Si Dennis lang ang masasabi ni Kathryn na kaibigan niya. Ngunit nagbago ang lahat nang magtapat si Dennis ng pag-ibig sa kanya sa harap ng mga kaibigan ng lalaki. Ang ginawa niya? Tinakbuhan ni Kathryn si Dennis at iniwasan. Oo nga at pareho sila ng nararamdaman ngunit ayaw niyang masira ang pagkakaibigan nila kapag hindi naging matagumpay ang relasyong bubuuin nila.

Pagkalipas ng maraming taon, ang akala ni Kathryn ay nagbago na ang lahat sa pagitan nila ni Dennis. Ngunit laking gulat niya nang muli ay magtapat na naman ng pag-ibig sa kanya ang kaibigan. Sa pangalawang pagkakataon ay tinanggihan niya si Dennis. Ngunit bakit ganoon na lang ang pagrerebelde ng kanyang kalooban nang dumating ang pinsan niyang unang pag-ibig ni Dennis at nabale-wala siya?

Kakainin na ba ni Kathryn ang sinabing hindi niya sisirain ang pagkakaibigan nila o hahayaan na lang na maging masaya si Dennis sa piling ng pinsan niya?

Read More

CS #13: Kiss And Run by Luna King

Camp Speed Book 13: Kiss And Run

by: Luna King

“Bakit ba galit na galit ka na mahal na mahal kita? Kung naiinggit ka, di mahalin mo rin ako!”

Five years ago, Crescent was forced to choose between love and family, and she chose the latter.

Sa pagbabalik niya sa Pilipinas, muling nagkrus ang mga landas nila ni Terrence—ang lalaking sinaktan at iniwan niya limang taon na ang nakalilipas. Mukha namang masaya na ang binata sa buhay dahil bukod sa matagumpay na racer, mayroon na rin itong bagong nobya.

Kaya hindi maintindihan ni Crescent kung bakit galit na galit pa rin si Terrence sa kanya. Wala na siyang balak balikan ang binata at ang nakaraan nila, pero makulit si Terrence. He says he hates her, but he hates her as much as he wants her in bed.

Gaya ng binata ay naguguluhan na rin si Crescent sa kanyang damdamin. She is supposed to get away from him, pero namalayan na lang niyang unti-unti silang bumabalik sa kung ano sila dati.

He is ready to give up everything he has now to be with her again. Pero muli, nalalagay si Crescent sa sitwasyon kung saan kailangan niyang mamili sa pagitan ni Terrence at ng kanyang pamilya.

Read More

CS #12: How You Love Me Now by Cady Lorenzana

Camp Speed Book 12: How You Love Me Now

by: Cady Lorenzana

“They say a special person’s picture should always be in one’s wallet. Nakailang palit na ako ng wallet pero sa tuwina ay nandiyan pa rin ang picture mo. Parang ikaw sa puso ko. Kahit nakailang palit ako ng girlfriend, ikaw pa rin ang laman nito.”

Para kay Laarnie ay parte na ng nakaraan niya si Kent Constantino. So she was more than surprised when she found out that, whether she liked it or not, she was arranged to be married to Kent. Siyempre, hindi siya pumayag. Nang puntahan niya ang lalaki para pakiusapan na huwag na nilang ituloy ang napipintong kasal ay hindi ito pumayag. Dahil pursigido pala si Kent na pakasalan siya.

“I like challenges. Kaya nga mahilig ako sa racing because it is something dangerous and challenging,” pagdadahilan ni Kent.

Hindi mahilig sa challenges si Laarnie. Hindi rin niya gusto ang lalaki. Pero nang muling hawakan ni Kent ang kamay niya ay may kakaiba siyang naramdaman para dito. And before Laarnie knew it, her heart surrendered once again to Kent.

Okay na sana ang lahat kung hindi lang nalaman ni Laarnie ang totoong dahilan kung bakit siya ipapakasal ng mga magulang niya kay Kent…

Read More

CS #11: What About Us by Nikki Karenina

Camp Speed Book 11: What About Us

by: Nikki Karenina

“You’re already doing something special for me. You’re loving me.”

Nakipaghiwalay si Poppy kay Nate five years ago dahil sa pagtataksil ng binata sa kanya. Poppy vowed to herself that she won’t ever want to see or come near Nate again. Five years later, nagpunta siya sa Camp Speed sa pag-aakalang hindi niya makikita roon si Nate. Ngunit naroon si Nate at isa ito sa natalo sa monthly patron race ng Camp Speed.

Walang ideya si Poppy sa “myth” sa Camp Speed. At nagkaroon ng espekulasyon na magkakabalikan sila ni Nate dahil sa “myth” na iyon. But she knew better. Pagkatapos ng lahat ng nangyari, hinding-hindi na siya makikipagbalikan kay Nate.

Until she knew the real reason of why they had broken up. Siya pala ang may kasalanan ng lahat. She cursed herself for that. She realized that she still loved him. Pero kailangan niyang pagdusahan ang kasalanan niya.

And now, she wished the “myth” was true. No matter how stupid it was.

Read More

CS #10: Give Your Heart A Brake by Luna King

Camp Speed Book 10: Give Your Heart A Brake

by: Luna King

“Even if I happen to forget about our love, I’m pretty sure that once I see you, I will just fall in love with you all over again.”

Masaya at kontento si Raiza sa buhay niya. Bukod sa natupad na ang pangarap niyang makapagtrabaho sa isang malaking kompanya ay may mabait pa siyang boyfriend at masayang pamilya.

And so she thought.

Dahil minsang isinama siya ni Ivan Richard Aguila—ang guwapo pero masungit niyang boss—sa Camp Speed at masaksihan niya ang pagsasalpukan ng dalawang big bike sa arena ay dumagsa ang mga imahen sa isip ni Raiza na nagdulot ng maraming tanong sa kanyang isip. Mula noon ay nag-iba ang takbo ng buhay niya.

May mga pagkakataong naguguluhan si Raiza sa mga ikinikilos niya, lalo na tuwing kasama niya si Ivan. Nasisiguro niyang simpleng paghanga lamang ang nararamdaman niya para dito pero bakit nang isama siya ni Ivan sa Batanes para sa isang “business trip” ay nag-e-enjoy siyang kasama nito at kinikilig siya sa sweetness nito?

Pilit niyang pinigilan ang paglalim ng damdamin niya para kay Ivan hanggang sa marinig niya ang pag-uusap nito at ng may-ari ng bahay na tinutuluyan nila patungkol sa kanya.

At sa mga natuklasan ay hindi niya alam kung dapat ba niyang pagsisihan ang pagsama kay Ivan

Read More